የፌዴራል መጀመሪያ ደረጃ ፍ/ቤት የድሬዳዋ ምድብ 1ኛ ፍትሐብሔር ችሎት በድሬዳዋ ከተማ ቀበሌ 02 በሚገኝ ሆቴል ውስጥ ያለውን 90KVA/72KW የናፍጣ ጀነሬተር ህዳር 27 ቀን 2019 ዓ.ም በሐራጅ ለመሸጥ ያወጣው ማስታወቂያ።
የድሬዳዋ ምድብ የፌ/መ/ደ/ፍ/ቤት ፍትሐብሔር ችሎት
የጨረታ ማስታወቂያ
በፍ/ባለመብት አቶ መሳይ ገረመው ብዛኔ እና በፍ/ባለዕዳ ወ/ሮ ብርሃን ከበደ አየለ መካከል ስላለው የአፈፃፀም ክስ ጉዳይ በመዝገብ ቁጥር 101137 የተሰጠውን ውሣኔ ለማስፈፀም በድሬዳዋ ከተማ ቀበሌ 02 እስጢፋኖስ ቤተክርስቲያን አካባቢ በሚገኘው፣ በይዞታ በመል/ሊ 3642 ላይ እየተገነባ ባለው በፍርድ ባለዕዳ ስም በተመዘገበው ሆቴል ውስጥ የሚገኘው /ጀነሬተር/ ወይም 90KVA/72KW የናፍጣ ጀነሬተር በብር 3,500,000.00 (ሶስት ሚሊዮን አምስት መቶ ሺ ብር) መነሻ ዋጋ በጨረታ እንዲሸጥ ታዟል። እንዲሸጥ የታዘዘ በመሆኑ ህዳር 27 ቀን 2019 ዓ.ም በጨረታ አወዳድሮ በሀራጅ መሸጥ አስፈልጓል። ስለሆነም በዚሁ ቀን ከጠዋቱ 3:00 እስከ 4:00 ድረስ ባለው ጊዜ የተጫራቾች ምዝገባ ጀነሬተሩ በሚገኝበት ስፍራ የሚካሄድ ሲሆን ጨረታው በተጠቀሰው ቀን እና ጀነሬተሩ በሚገኝበት ስፍራ ከጠዋቱ 4:10 እስከ 5:10 ባለው ጊዜ ይከናወናል። በጨረታው መሳተፍ የሚፈልግ ሁሉ ማንነቱን የሚያረጋግጥ መታወቂያ በመያዝ በጨረታው ሊሳተፍ ይችላል። ማንኛውም ተጫራች የጀነሬተሩን መነሻ ዋጋ 1/4ኛ CPO የማስያዝ ግዴታ ይኖርበታል ይህን ሳያያይዝ በጨረታው ላይ አይሳተፍም። ጨረታውን ካላሸነፈ ገንዘቡ ወዲያውን ተመላሽ ይሆንለታል። የጨረታው አሸናፊ ጨረታውን ያሸነፉበትን ገንዘብ 1/4ኛውን ወዲያውኑ በሞዴል 85 በፍ/ቤቱ ፋይናንስ ክፍል ማስያዝ አለባቸው። ቀሪውን 3/4ኛ ገንዘብ ደግሞ ጨረታው በተካሔደ በ15 ቀናት ውስጥ አጠናቀው ማስያዝ ይጠበቅባቸዋል። ይህንን ማድረግ ካልቻለ ንብረቱ ለ2ኛ የሀራጅ ሽያጭ ሲከናወን ዝቅተኛ ዋጋ ካስመዘገበ ልዩነቱ እና የጨረታውን ወጪ ለመሸፈን የሚገደድ ይሆናል።
