በኢትዮጵያ ፌዴራላዊ ዴሞክራሲያዊ ሪፐብሊክ የገቢዎች ሚኒስቴር በታክስ ዕዳ የያዛቸውን የጫማ፣ ማምረቻ ማሽን፤ የልብስ ስፌት ማሽን /ሴንጀር/ የአምፖል ማምረቻ ማሽን የተለያዩ ሞዴል ያላቸው ተሽከርካሪና የሞተር ሳይክሎችን ለመሸጥ የወጣ የግልጽ ጨረታ ሽያጭ ማስታወቂያ ቁ- 02/2019

የሚኒስቴር መ/ቤቱ ግብር ከፋዮች የሚጠበቅባቸውን የታክስ ዕዳ በታክስ ህጉ በተፈቀደው የጊዜ ገደብ ባለመክፈላቸው ምክንያት በታክስ አስተዳደር አዋጅ ቁጥር 983/2008 አንቀፅ 41 በተሰጠው ሥልጣን መሠረት ከሊያንግ ፕላስቲክ ፕሮዳክሽን ማኑፋክቸሪንግ፣ ከኤቢሲ ሚኒፋክቸሪንግ፣ ከኤሲኤል ጋርመንትና ጨርቃ ጨርቅ፣ ከFKD Trading፣ ከሰንሪይዝ፣ ከኢንፕሬሳ ኮንስትራክሽን፣ ከፎኒክስ ኢንዱስትሪ፣ ከአልበርድ የሕክምና አገልግሎት፣ ከጋንፋር፣ ከአባቢሊዮን፣ ከብሬልየንት፣ ከካልመርስ፣ ከአፍሪን አስመጪና ላኪ፣ ከሚጋ ቪልጅ፣ ከተከለብርሃን አምባዬ ኮንስትራክሽን ኃ/የተ/የግ/ማህበር የተያዙ የተለያዩ የጫማ ማምረቻ ማሽን የአምፖል ማምረቻ ማሽን፣ የልብስ ስፌት ማሽን /ሴንጀር/፣ የሕክምና ዕቃዎችን፣ Scaffolding፣ ልዩ ልዩ የኮንስትራክሽን ዕቃዎችን፣ የቢሮ እና የቤት ውስጥ መገልገያ ቁሳቁሶችን፣ የሞተር ሳይክሎችን እንዲሁም የተለያዩ ሞዴል ያላቸው 26 ተሽከርካሪዎች ባሉበት ሁኔታ በግልጽ ጨረታ አወዳድሮ መሸጥ ይፈልጋል።

በመሆኑም:-

1. በግልጽ ጨረታው ለመሳተፍ የሚፈልግ ማንኛውም ተጫራች ማንነቱን የሚገልጽ የነዋሪነት መታወቂያ (ፓስፖርት) ኮፒ ከጨረታ ሰነዱ ጋር አያይዞ በኤንቨሎፕ በማሸግ ለግልፅ ጨረታ በተዘጋጀው ሳጥን ውስጥ ማስገባት ይኖርበታል።
2. ተጫራቾች የጨረታውን ሰነድ ይህ የግልጽ ጨረታ በጋዜጣ ከወጣበት ቀን ጀምሮ ዘወትር በሥራ ሰዓት ከሰኞ እስከ አርብ እና ቅዳሜ ጠዋት ከ2:00-6:00ሰዓት ሕንፃ "መ" 3ኛ ፎቅ ቢሮ ቁጥር 301 ከግዥና ፋይናንስ አስተዳደር ዳይሬክቶሬት የማይመለስ ብር 100.00 (አንድ መቶ) በመክፈል የጨረታ ሰነዱን ሕንፃ "ሀ" 2ኛፎቅ ቢሮ ቁጥር 201 ከታክስ ዕዳ አስተዳደር ዳይሬክቶሬት ቢሮ መውሰድ ይኖርበታል።
3. በግልጽ ጨረታ ለመሳተፍ ተጫራቾች ለሚወዳደሩባቸው ንብረቶች የሰጡትን ዋጋ አንድ አስረኛውን ብቻ ለጨረታ ማስከበሪያ ዋስትና (CPO) በገቢዎች ሚኒስቴር ስም (Minstry of Revenue) በባንክ አሠርተው ማስያዝ ይኖርባቸዋል።
4. ተጫራቾች በሚከተለው የጨረታ ቀናት (ስኬጁል) መሰረት ሰነድ ገዝተው መጫረት ይችላሉ።

   ተ.ቁ	የመ/ቤቱ ስም	ለጨረታ የቀረበው የንብረት ዓይነት	የንብረቶቹ መመልከቻ ቀን	የጨረታው የመዝጊያ እና የመክፈቻ ቀንና ሰዓት
   1	ገቢዎች ሚኒስቴር	የጫማ ማምረቻ ማሽን እና የተለያዩ ሞዴል ያላቸው ተሽከርካሪዎች	ማስታወቂያው በጋዜጣ ከወጣበት ቀን ጀምሮ ለ15 ቀናት	ማስታወቂያው በጋዜጣ ወጥቶ 15 ቀን ከተጠናቀቀ በኋላ ቀጥሎ ባለው 16ኛ ቀን 3:45 ተዘግቶ በዚያው ቀን 4:00 ሰዓት ይከፈታል።

5. የጨረታ መክፈቻ ቦታ:- መገናኛ በሚገኘው በሚኒስቴር መ/ቤቱ የመሰብሰቢያ አዳራሽ ተጫራቾች /ሕጋዊ ወኪሎቻቸው ባሉበት/ ወይም በታዛቢዎች ፊት ይከፈታል።
6. የግልፅ ጨረታው መክፈቻና መዝጊያ 16ኛው ቀን የመ/ቤቱ የሥራ ቀን ካልሆነ በቀጣዩ ቀን የግልፅ ጨረታው መክፈቻና መዝጊያ ቀን ይሆናል።
7. ለጨረታው አሸናፊ ተጫራቾች ለጨረታው ማስከበሪያ ዋስትና ያስያዙት (CPO) ከሚከፍሉት ዋጋ ጋር እንደ አስፈላጊነቱ የሚታሰብላቸው ሲሆን ለተሸናፊ ተጫራቾች ደግሞ የግልፅ ጨረታ ኮሚቴው መረጃውን አጣርቶ እንደጨረሰ በ5 የሥራ ቀናት ውስጥ ተመላሽ ይደረግላቸዋል።
8. የተሽከርካሪ ጨረታ ለሚያሸንፉ ተጫራቾች ከስመ-ንብረት ዝውውር ጋር ተያያዥነት ያላቸውን ወጪዎች (የቦሎና ሌሎች ተጓዳኝ ወጪዎች) ሻጭን አይመለከትም።
9. አሸናፊ ተጫራቾች ማሸነፋቸው በደብዳቤ ከተገለፀላቸው ቀን ጀምሮ ባሉት 15 ቀናት ውስጥ ያሸነፉበትን ጠቅላላ ዋጋ መ/ቤቱ በሚሰጠው አድራሻ ገቢ በማድረግ ያሸነፉበትን ሀብት/ንብረት መረከብ ይኖርባቸዋል።
10. ከላይ በተ/ቁ 9 በተገለጹት ቀናት ውስጥ ክፍያውን ገቢ በማድረግ ንብረታቸውን ያልተረከቡ ተጫራቾች የግልፅ ጨረታውን ተሠርዞ ለጨረታ ማስከበሪያ በCPO ያስያዙት የዋስትና ገንዘብ ለሚኒስቴር መ/ቤቱ ገቢ ሆኖ ንብረቱ እንዳልተሸጠ ተቆጥሮ በቀጣይ በድጋሚ ለሽያጭ ይቀርባል።
11. ሚኒስቴር መ/ቤቱ የተሻለ መንገድ ካገኘ የግልፅ ጨረታውን በከፊልም ሆነ በሙሉ የመሰረዝ መብቱ የተጠበቀ ነው።

ለተጨማሪ መረጃ በስልክ ቁጥር:- 011-617-84-90 ኮድ(2044)(2045) (2046) የውስጥ መስመር (EXT) 2044 ደውለው መጠየቅ ወይም የተቋሙን ዌብሳይት WWW.MOR.Gov.et መመልከት ይችላል።

ገቢዎች ሚኒስቴር