አፍሪካ ኢንሹራንስ ኩባንያ አ.ማ የፅህፈት መሣሪያዎች፣ የፅዳትና ሪፍሬሽመንት እቃዎች እንዲሁም የህትመት ውጤቶች በግልፅ ጨረታ አወዳድሮ ለመግዛት ይፈልጋል።

አፍሪካ ኢንሹራንስ ኩባንያ /አ.ማ/

የፅህፈት መሣሪያዎች፤ የፅዳትና የሪፍሬሽመንት ዕቃዎች እንዲሀም የህትመት ውጤቶች ግዥ ጨረታ ማስታወቂያ

የጨረታ ቁጥር AIC ፡- 0007/2025

አፍሪካ ኢንሹራንስ ኩባንያ አ.ማ የፅህፈት መሣሪያዎች፣ የፅዳትና ሪፍሬሽመንት እቃዎች እንዲሁም የህትመት ውጤቶች በግልፅ ጨረታ አወዳድሮ ለመግዛት ይፈልጋል።

ሀ. ሎት-1 የፅህፈት መሣሪያዎች

ለ. ሎት-2 የፅዳትና ሪፍሬሽመንት እቃዎች

ሐ. ሎት-3 የህትመት ውጤቶች

ስለሆነም ተጫራቾች ከዚህ በታች በተገለፀው መሰረት ቀርበው መወዳደር ይችላሉ።

1. ተጫራቾች በዘርፉ የተሰማሩበት ህጋዊ የንግድ ፈቃድ ፣ የዘመኑን ግብር የከፈሉበትን እና ለተጨማሪ እሴት ታክስ የተመዘገቡበትን ማስረጃ ማቅረብ የሚችሉ መሆን አለባቸው።
2. ተጫራቾች ለጨረታ ማስከበሪያ ዋስትና ብር 50,000.00 (ሃምሳ ሺ ብር) በባንክ በተረጋገጠ ሲፒኦ (CPO) ማስያዝ ይኖርባቸዋል። የጨረታው አሸናፊ ባቀረበው ሰነድ መሰረት እቃዎቹን ሳያቀርብ ቢቀር ያስያዘው በባንክ የተረጋገጠ ሲፒኦ (CPO) ኩባንያው ገቢ ያደርጋል ወይም ተመላሽ አይሆንም።
3. ከላይ በተራ ቁጥር 2 ላይ የተገለጸው የጨረታ ማስከበሪያ ዋስትና የሚሆን ሲፒኦ ሙሉ ለሙሉ ለተጫራቾች ተመላሽ የሚሆነው አሸናፊው ድርጅት ያሸነፈባቸውን እቃዎች ለኩባንያው ገቢ ካደረገ በኋላ ኩባንያው የገቡትን እቃዎች በሳምፕላቸው መሰረት ስለመሆናቸው ካረጋገጠ በኋላ ነው።
4. በጨረታው ለመሳተፍ የሚፈልጉ ተጫራቾች የማይመለስ ብር 200.00 (ሁለት መቶ) በመክፈል ሠነዱን ገዝተው የሚወዳደሩበትን ዕቃ ዓይነት እና ብዛት የሚገልፅ የጨረታ ሠነድ ይህ ማስታወቂያ ከወጣበት ቀን ጀምሮ ባሉት 5 ተከታታይ ቀናት በስራ ሠዓት መግዛት ይችላሉ።
5. ተጫራቾች የሚያቀርቡት ዋጋ ከተጨማሪ እሴት ታክስ ጋር መሆኑን ወይም አለመሆኑን መግለፅ ይኖርባቸዋል።
6. ማንኛውም ተጫራች የጨረታ ሰነዱን በሰም በታሸገ ኢንቨሎፕ በማድረግ ከሀምሌ 7 ቀን 2017 ዓ.ም እስከ ሀምሌ 11 ቀን 2017 ዓ.ም ከቀኑ 9፡00 ድረስ ቦሌ በሚገኘው የአፍሪካ ኢንሹራንስ ኩባንያ አ.ማ ዋና መ/ቤት ህንፃ 11^ኛ ፎቅ በስራ ሰዓት በመቅረብ ለዚሁ ጨረታ አገልግሎት በተዘጋጀው ሳጥን ውስጥ ማስገባት አለባቸው።
7. ጨረታው ሀምሌ 11 ቀን 2017 ዓ.ም ከቀኑ 9፡30 ተጫራቾች ወይም ወኪሎቻቸው በተገኙበት በኩባንያው ዋና መ/ቤት ህንፃ 11^ኛ ፎቅ ላይ በሚገኘው የስብሰባ/ስልጠና አዳራሽ ይከፈታል።
8. ተጫራቾች የሚያስገቡት የጨረታ ሰነድ የእቃው ዝርዝር መግለጫ (Specification) የያዘ እንዲሁም በሚያቀርቡት ናሙና (Sample) ላይ የድርጅታቸው ማህተም ሊኖር ይገባል።
9. አንዱ ተጫራች በሌላው ተጫራች ዋጋ ላይ ተንተርሶ መጫረት ከጨረታው የሚያሳግድ ይሆናል።
10. አሸናፊው ተጫራች የጨረታው አሸናፊ መሆኑ ከተገለፀለት ወይም የጨረታ ውጤት ከተለጠፈበት ቀን ጀምሮ የፅህፈት መሣሪያ ፣ የሪፍሬሽመንት እና የፅዳት እቃዎችን ከ7 ቀን ባልበለጠ ጊዜ እንዲሁም ለህትመት ውጤቶች ከ15 ቀን ባልበለጠ ጊዜ ወይም በውሉ መሠረት ማቅረብ ይኖርበታል።
11. ተጫራቾች የሚያቀርቡት የፅህፈት መሣሪያዎች እና የሪፍሬሽመንትና የፅዳት እቃዎችን ሲወዳደሩ ባስገቡት (ባቀረቡት) ናሙና እንዲሁም የህትመት ውጤቶቹ በኩባንያው ናሙና መሰረት መሆን አለበት።
12. ተጫራቾች ያሸነፉትን እቃዎች እንዲሁም የህትመት ውጤቶች የኩባንያው ዋና መ/ቤት ድረስ በማምጣት ማስረከብ ይኖርባቸዋል።
13. ኩባንያዉ ጨረታውን የተሻለ አማራጭ ካገኘ በማንኛውም ጊዜ በከፊል ወይም ሙሉ ለሙሉ ጨረታውን የመሰረዝ መብቱ የተጠበቀ ነው።

ለበለጠ መረጃ፡- በስልክ ቁጥር 0116 611877/0116 637485/

                  0116 637716 በመደወል መጠየቅ ይቻላል።

አድራሻ ፡- አዲስ አበባ ቦሌ ሩዋንዳ ድልድይ አካባቢ አፍሪካ ኢንሹራንስ ህንፃ