የቤት የሐራጅ ሽያጭ

የሐራጅ ሽያጭ ማስታወቂያ

በፍ/ባለመብት አቶ መሀመድ ሰይድ እና በፍ/ባለዕዳ ወ/ሮ ሃያት ሙሳ መካከል ስላለው የፍርድ አፈጻጸም ጉዳይ የፌዴራል ከፍተኛ ፍ/ቤት በመ/ቁጥር 253939 በ13/09/2013 ዓ.ም. እና በመ/ቁ 191069 በ11/03/2013 ዓ.ም. በዋለው ችሎት በሰጠው ትዕዛዝ መሠረት በቦሌ ከ/ከተማ ወረዳ 01 ሩዋንዳ አካባቢ ውስጥ የሚገኝ ፓርሴል 7 በካርታ ቁጥር ቦሌ 9/15/1/11/22469/19347/01 የሆነ ካርታ ያለው በወ/ሮ መስታወት አማረ ማሞ ስም የተመዘገበ G+2 የሆነ ሕንፃ (ቤት) የይዞታው ስፋት 500 ካ.ሜ. የሆነ የሐራጅ ሽያጭ መነሻ ዋጋ ብር 2,16,000 (ሁለት ሚሊዮን አንድ መቶ አስራ ስድስት ሺህ ብር) ሆኖ የትራንዛክሽን ታክስ ገዥ የሚከፍል ሆኑ ታውቆ ጥቅምት 25 ቀን 2015 ዓ.ም. በሐራጅ ይሸጣል።የተጫራቾች ምዝገባ በ8፡00 ሰዓት ተጀምሮ የቀረቡ ተጫራቾች ተመዝግበው እንደተጠናቀቀ ወዲያውኑ ጨረታው የሚካሄድ ይሆናል። የሐራጁ ሽያጭ የሚካሄደው በፌዴራል ፍርድ ቤቶች የፍርድ አፈጻጸም ዳይሬክቶሬት የጨረታ አዳራሽ ውስጥ ሲሆን፣ ንብረቱን ተጫርተው ለመግዛት የሚፈልጉ ተጫራቾች ከጨረታው ቀደም ብሎ ባሉት አራት የሥራ ቀናት ውስጥ ባለመብቱ ለማስጎብኘት በሚመርጧቸው ሶስት የስራ ቀናት በፌ/ፍ/ቤቶች የፍርድ አፈፃፀም ዳይሬክቶሬት ሐራጅ ክፍል ድረስ ከጠዋቱ 03:30 ብቻ በመገኘትና ባለመብቱ በሚያቀርበው ትራንስፖርት ንብረቱን ለመጎብኘት የሚችሉ ሲሆን፤ እያንዳንዱ ተጫራች በሚጫረትበት ወቅት የንብረቱን ግምት 1/4 ኛውን በባንክ በተረጋገጠ CPO ማስያዝ ይኖርበታል። ከ1/4ኛ አስበልጦም ሆነ አሳንሶ የሚመጣ ተጫራች በጨረታው አይካፈልም። በጨረታው አሸናፊ የሆነው ግለሰብ አሸናፊ የሆነበትን ገንዘብ በአጠቃላይ ጨረታውን ከአሸነፈበት ቀን ጀምሮ በ15 ቀናት ውስጥ ገቢ ማድረግ አለበት።

በተጨማሪ ተጫራቾች ካፒታል ጌይን እና ታክስ ስምን ይዛወርልኝ የሚልን ጥያቄ፣ ሐራጁ ጎድቶኛል የሚሉ ጥያቄዎችን ዳይሬክቶሬቱ የማያስተናግድና በችሎት የሚጠየቅ መሆኑን እንገልፃለን።

በኢ.ፌ.ዲ.ሪ ጠቅላይ ፍ/ቤት የፌዴራል ፍ/ቤቶች የፍርድ አፈጻጸም ዳይሬክቶሬት