ዘ ብሩክ ሆስፒታል ፎር አኒማልስ የውሃ ስራ ተቋራጮችን እና የህንጻ ስራ ተቋራጮችን በማወዳደር የተለያዩ ስራዎችን ማሰራት ይፈልጋል

የጨረታ ማስታወቂያ

ዘ ብሩክ ሆስፒታል ፎር አኒማልስ በሲቪል ማኅበረሰብ ድርጅቶች ባለስልጣን በቁጥር: 0883 የተመዘገበ መንግስታዊ ያልሆነ ግብረሰናይ ድርጅት ሲሆን ከተመዘገበበት ጊዜ ጀምሮ ዋና ቢሮውን አዲስ አበባ በማድረግ በመንቀሳቀስ ላይ ይገኛል። የድርጅቱ አላማ የጋማ እንስሳትን ደህንነትና ጤንነት ማሻሻል እና በእነዚህ የጋማ እንስሳት ጉልበት ኑሯቸውን የመሰረቱ የማህበረሰብ ክፍሎችን የኑሮ ሁኔታ ማሻሻል ሲሆን ይህንንም ለመተግበር ከመንግስት የእንስሳት እና የግብርና ተቋማት ጋር በትብብር ይሠራል።

ድርጅታችን በዚህ ዓመት በአማራ ክልል በምስራቅ ጎጃም ዞን እና በደ/ብ/ክ/ህ ክልል ሃድያ ዞን ስር በሚገኙ ከዚህ በታች በተገለጹት ወረዳዎች ውስጥ የውሃ ስራዎችና በኦሮሚያ ክልል በጂማ ዞን የጅማ ዩኒቨርስቲ ግቢ ውስጥ የእንሰሳት ደህንነት መጠበቂያና የስልጠና ማዕከል ለመስራት እቅድ ይዞ በመንቀሳቀስ ላይ ይገኛል። ይህንንም ለማድረግ ድርጅታችን ብሩክ ኢትዮጵያ ብቁ እና መስፈርቶችን የሚያሟሉ የውሃ ስራ ተቋራጭ (WWC six and above) ከዚህ ቀጥሎ በተዘረዘሩት ውሃ ሥራዎችና ለማዕከሉ ግንባታ ደግሞ ጠቅላላ ወይም የህንጻ ስራ ተቋራጭ (BC/GC six and above) የጨረታ ሰነዶችን በሰም በታሸገ ኤንቨሎኘ በማቅረብ እንድትወዳዳሩ ይጋብዛል።

1. ተጫራቾች ህጋዊና የዘመኑ (2014 ዓ.ም.) የታደሰ ፈቃድ ፣ የተጨማሪ እሴት ታክስ (የቫት) ተመዝጋቢ እና የብቃት ማረጋገጫ የምስክር ወረቀት ያላቸው መሆን አለባቸው።
2. ተጫራቾች የተሟላ የጨረታ ሰነዱን አዲስ አበባ ቦሌ ክፍለ ከተማ ወረዳ 3 የቤት ቁጥር 797 ከሚገኘው የድርጅታችን ጽ/ቤት የማይመለስ ብር 200.00 (ሁለት መቶ ብር) በመክፈል መግዛት ይችላሉ።
3. ተጫራቾች የጨረታ ማስከበሪያ ከጠቅላላው የጨረታ ዋጋቸው 2% በሲፒኦ መልክ ብቻ ማቅረብ ይጠበቅባቸዋል። ሲፒኦው የጨረታ ኤንቨሎፕ ውስጥ ለብቻ ታሽጎ መቅረብ አለበት።
4. ተጫራቾች በሰም የታሸገውን የጨረታ ሰነድ ይህ ማስታወቂያ በአዲስ ዘመን ጋዜጣ ከወጣበት ቀን ጀምሮ ባሉት ተከታታይ 15 ቀናት ውስጥ ከላይ በተ.ቁ. 2 በተጠቀሰው አድራሻ በሚገኘው የብሩክ ጽ/ቤት ለጨረታው በተዘጋጀው ሳጥን ውስጥ እስከ 7፡30 ድረስ ማስገባት ይኖርባቸዋል። የጨረታው መዝጊያ ቀንና ሰዓት በ15ኛው ቀን ከቀኑ 7:30 ሰዓት ነው። የጨረታ ማቅረቢያው 15ኛው ቀን ቅዳሜና እሁድ ወይም በበዓል ቀናት ከዋለ የጨረታ መዝጊያው ቀን በሚቀጥለው የሥራ ቀን ከቀኑ 7:30 ይሆናል።
5. ከተጠቀሰው ቀንና ሰዓት ውጭ የሚመጡ የጨረታ ሰነዶች ተቀባይነት የላቸውም።
6. ጨረታው ተጫራቾች ወይም ህጋዊ ወኪሎቻቸው በተገኙበት ጨረታው በተዘጋበት ቀን (ተ.ቁ. 4 የተመለከተው) ከቀኑ በ8፡00 ሰዓት ይከፈታል። ስራ ተቋራጩ/ተወካይ በፈቃዳቸው ወይም በተለያዩ አስገዳጅ ምክኒያቶች መገኘት ባይችሉ አሰሪው ድርጅት ጨረታውን ከመክፈት አያግደውም። በተጨማሪም በተለያዩ አስገዳጅ ምክንያቶች የጨረታው ተጫራቾች ሳይገኙም ጨረታውን ድርጅቱ ሊከፍት ይችላል።
7.  ተጫራቾቹ አሸናፊ ሆኖ ከተገኘ የቅድመ ክፍያ ዋስትና ከባንክ unconditional bank guarantee ማቅረብ የሚችል መሆን ይጠበቅበታል።
8. ተጫራቹ እየሠራቸው ያሉ ተመሣሣይ ስራዎች ካሉት ከ75% በላይ የስራ አፈፃፀም ላይ የደረሰ መሆን ይጠበቅበታል።
9. ድርጅቱ ያለምንም ቅድመ ሁኔታ የጨረታ መክፈቻውን ቀን የማራዘም ጨረታውን ሙሉ በሙሉ ወይም በከፊል የመሰረዝ እንዲሁም ቀደም ብሎ በድርጅቱ ሥራዎች ላይ ዝቅተኛ አፈፃፀም ያላቸውን የጨረታ ተወዳዳሪዎች ከጨረታው እንዳይሳተፉ ማድረግ መብቱ የተጠበቀ ነው።
10. ማንኛውም ተጫራች ከሁለት ጨረታ በላይ መሣተፍ አይቻልም። በሁለቱም አሽናፊ ሆኖ ከተገኘ ድርጅቱ እንደሁኔታው የሚወስን ሲሆን አንድ ስራ ለሚሰጠው ተቋራጭ ግን የመረጠውን አንድ ስራ ብቻ እንዲወስድ ይደረጋል።
11. ለበለጠ ማብራሪያ በስልክ ቁጥር 011 661 0069/011 662 1885 በመደወል ወይም በኢሜይል info@thebrookeethiopia.org  አድራሻችን መጠየቅ ይቻላል።

አድራሻችን፡ 22 ማዞሪያ በአውራሪስ ሆቴል ፊት ለፊት ከቅዱስ ገብርኤል ሆስፒታል በጀርባ ባለው የኢትዮጵያ ንግድ ባንክ በኩል ወደ 24 በሚወስደው መንገድ ላይ በንጋት ህንፃ እና በአዳነ ገብሩ ህንፃ በኩል ወደ ውስጥ ገባ ብሎ።

ስልክ፡011 661 0069/011 662 1885

ዘ ብሩክ ሆስፒታል ፎር አኒማልስ